Eglwys Crist
Yr Orsedd, Clwyd
Adeiladwyd yr eglwys gyntaf ar y safle hwn yn 1841, ond fe’i difrodwyd yn ddifrifol gan dân. Yn ôl yr hanes, ym mis Mai 1891, cynhaliodd y Ficer ‘briodas yn yr adfeilion’.
Mae’r eglwys yn dyddio o 1180, ond mae pobl wedi bod yn addoli ar y safle arbennig hwn ers y chweched ganrif.
Oddi fewn i’r eglwys, cewch ddarganfod baneli derw a bedyddfaen sy’n dyddio o’r bedwaredd ganrif ar ddeg. Yno hefyd mae darllenfa ag eryr du – neu yn nhyb rhai, brân - hynod iawn wedi’i gerfio arni; dim ond dwy enghraifft o’r math hwn o ddarllenfa ganoloesol sy’n bodoli, ac mae’r llall yn yr Amgueddfa Fictoria ac Albert yn Llundain. Mae’r gwydr yn y ffenestr gwahangleifion yn dangos ôl arddull gyntefig o roi gwydr lliw at ei gilydd, tra bod y ffenestr orllewinol yn enghraifft odidog o ddyluniad yn arddull y Mudiad Cyn-Raffaelaidd.
Mae plac ger y pulpud yn cofnodi’r nifer o ymweliadau a wnaed gan Robert Browning i’r ardal, pan ddarllenodd y llith yn ystod y gwasanaethau.
Mae’r eglwys yn enwog am fod â thoreth o eirlysiau, a chynhelir gwasanaeth arbennig bob mis Chwefror i’w bendithio.