Sant Figael

Mae’r tu mewn hyd yn oed yn fwy Sioraidd ei naws ers i’r Cyfeillion Eglwysi Digyfaill osod ffenestri pren newydd, sy’n debyg i’r rhai a arferai fod yno.

Mae’r eglwys yn tarddu o’r ddeunawfed ganrif, ond cafodd cyfran sylweddol ohoni ei hailadeiladu yn 1841. Mae ganddi dri bedyddfaen, gyda’r cynharaf yn dod o’r bedwaredd ganrif ar ddeg.

Mae’r eglwys yn dal i sefyll, diolch i ymdrechion un dyn, sef y Parchedig Edgar Jones. Gofalodd am yr eglwys am oddeutu ugain mlynedd, cyn i’r cyfle ddod i’w throsglwyddo i’r Cyfeillion Eglwysi Digyfaill. Mae’n hynod drist ei fod wedi marw wrth i’r gwaith atgyweirio ddod i ben.